سلامتها

اليوم

و في الليل .......الأي حاجة- أنا مش بحب الكلمة دي - ,حسيت ان دماغي اعلى من الكلام الاهبل اللي أنا عمال بذاكره ده , و هو منهج ال tablets كما يدعونه في قسم السيوتكس (جزاهم الله) ,أو تركيبات أشكال بطيخية زي ما بيسميه عموره صاحبي الانتيخ.

قلت تعمل ايه ياد يا حسام , تنيل ايه في ساعتك دي يا حس؟!!!!!!

أصل أنا بصراحة كنت بدأت اهيس من الغم اللي في دماغي ,غزة على tablets , و هما في واقع الأمر مصيبتان أشد وطئا من بعض

-غريبة اوي الكلمة دي- حيث ان غزة مصيبة معنوية و ال tab مصيبة مادية امتحانية ,المهم اوعز إلي شوشو ان اسمع عدوية ....طبعا بعض المتفائلين هيفتكروا محمد عدوية ,و ده بالنسبة لحالة الهيبرة اللي أنا فيها دلوقتي شاب سيس.

أحمد عدوية يا رحالة , بقلب في ملف عدوية على المحروس الصغير -ال 6630 طبعا المحروس الكبير ده هو الفقيد ال pc- حاكم أنا عندي ملف ثري جدا لعدوية لقيت الاغنية العظيمة "السح الدح امبو" ......قمت سمعتها بقى.

و هي أغنية ثرية , خلاقة ,مليئة بالعبر و الحكم و نصائح حسن التربية من أول شيل الواد م الأرض حتى أدي الواد لأبوه.

ثم انتقلت إلى موال آخر منجهه و هو يا بنت السلطان .....إذ فجأة يا خوية -أو يا ختي-الاقيه بيقول "و مصر دي بلدي و الدول العربية" !!!!!!!!

بعيدا عن اسبابه الدينارية البحتة , اذن فأحمد عدوية عليه رحمة الله كان يؤمن بأن مصر و الدول العربية وطنه .....

اذن فلماذا لا نرى نحن ذلك؟!!!!

لماذا نقول كاسحق رابين "فليبتلع البحر غزة" !ّ!!!!

لماذا الدول العربية تعتبرنا العدو ,إذا قعدنا ساكتين ..بقينا متواطئين و ولاد ستين تيت , و إذا عملنا مبادرة وقف اطلاق نار مع دولة سوري يعني لها ثقل الدول العربية جميعا 10مرات ...بقينا خاينين و ولاد ستين تيت .

اذن فإن عدوية كان على خطأ بين !!!!!!
لما يبقى مات مش عارف كام -مش عارف لأنهم يزيدوا كل لحظة-و واحد من اعز اصحابي ينعي مؤلف prison break

لا بقى ...ده كده كتير يعني...

و أخير

اسلامتها غزة و أهلها

و ....

سلامتها أم حسن